Pre-paid ಗಣಪಾ..

ಈ ಸರ್ತಿನೂ ನನ್ನೇ ಕರಿತಾನೆ ಅಂದ್ಕೊಂಡಿದ್ದೆ ಅಣ್ಣಪ್ಪಾ 

ಸೆಲೆಕ್ಟ್ ಮಾಡ್ಲಿಕ್ಕೆ ಅವರ ಮನೆಯಾ ಗಣಪ್ಪಾ 

 ಅದಕ ನಾ ಆಗಾಕತ್ತಿದ್ದೆ ನನ್ನದ ಸ್ಟೈಲ್ನ್ಯಾಗ prepared 

ಆದರ ಆಂವಾ ತನ್ನದ  ಸ್ಟೈಲ್ನ್ಯಾಗ ವೀಕೆಂಡ್ನ್ಯಾಗ ತಂದ್ಬಿಟ್ಟಾ ಗಣಪನಾ pre-paid 

 ಸ್ಪೂರ್ತಿ : ಅಣ್ಣ ಅರುಣ್ ಈ ಬಾರಿ ಗಣೇಶನನ್ನು ತನ್ನ ಕಾರಲ್ಲಿ front-seat ನಲ್ಲಿ ಕೂರಿಸಿ ತಂದ ಪ್ರಸಂಗ. ಗಣೇಶನಿಗೆ ತನ್ನದೇ ಆದ belt ಇದ್ದಿದರಿಂದ ಆತನಿಗೆ seat-belt ಹಾಕಿರಲಿಲ್ಲಾ:-)
ದಿನಾಂಕ : ಸೆಪ್ಟೆಂಬರ್ ೧|೨೦೦೮

ಎಲೆಕ್ಷನ್ ಟೈಮ್

ಪಕ್ಷದಿಂದ ಹೊರಗೆ ಹೋಗ್ತಿದಾರೆ ಗೋಪಿನಾಥ ಮುಂಡೇ

ಅವರ ಹಿಂದೆನೇ ಹೋಗಿದೆ ಅವರ ಚೇಲಾಗಳ ದಂಡೇ 

ಪಕ್ಷದಿಂದ ಪಕ್ಷಕ್ಕೆ ಹಾರಲು ಸಾಕು ಬರೀ one-Day 

ಮತದಾರನಾಗಿ ಇದ ನಾ ತಿಳಕೊಂಡೆ
ಎಲೆಕ್ಷನ್ ಹತ್ರ ಬಂದ್ರೆ ಎಲ್ಲಾರ್ದು ರಾಗ ಒಂದೇ 

ಟಿಕೇಟು ಕೊಡಿಸುವವನೆ ನಮ್ಮೆಲ್ಲರ ತಂದೆ.. 

ದಿನಾಂಕ :ಏಪ್ರೀಲ್ ೨೩|೨೦೦೮

ಸ್ಪೂರ್ತಿ :  ಗೋಪಿನಾಥ್ ಮುಂದೆ ರಾಜಕೀಯ ಪಕ್ಷಾಂತರ 

ಕರದಂಟಿನೊಂದಿಗಿನ ನಂಟು

ನನ್ನ ಹಾಗು ನನ್ನವಳ ಊರುಗಳಿಗೆ ಎಲ್ಲಿಲ್ಲದಾ ಸಿಹಿಯ ನಂಟು

ಅವಳೂರಲ್ಲ್ಲಿ ಸಿಗುವದು ಅಂಟಿನಿಂದ ಮಾಡಿದಾ ಕರದಂಟು 

ನನ್ನೂರಲ್ಲಿ ಸಿಗುವದು ಯಾರಿಗೂ ಬೇಡವಾಗದ ಪೇಡಾ 

ಅವಳೂರಿಗೆ ಹೋಗದಿರೆ ಹೇಳ್ತಾರೆ ಅಣ್ಣನ ಮಕ್ಕಳು ನೀ ಮಾಡಬೇಡಾ ತಡಾ

 ಇನ್ನೂ ಯಾಕ ಹೋಗವಲ್ಲಿ ನೀ Go-ಕಾಕಾ 

ದಿನಾಂಕ :  ಏಪ್ರೀಲ್ ೨೨|೨೦೦೮
ಸ್ಪೂರ್ತಿ :  ಅಣ್ಣನ ಮಕ್ಕಳು 

Slow Down ಮುಂಚೆ ಹಾಗೂ ನಂತರ..

ಅಂದು ತುಂಬಾ ಜೋರಾಗಿ ಹೇಳ್ತಿದ್ದಾ ನಂದಾಗಿದೆ salary ಹೈ ಕ್ಲಾಸ್

ಇಂದು ತುಂಬಾ ಮೆತ್ತಗೆ ಹೇಳ್ತಾನೆ ನಂದಾಗಿದೆ salary ಹೈಕ್ -ಲಾಸ್ 

ದಿನಾಂಕ : ಏಪ್ರೀಲ್ ೬|೨೦೦೮

ಸ್ಪೂರ್ತಿ : Slow Down in 2008

ಹೆಲ್ಮೇಟ್

ದ್ವಿಚಕ್ರ ವಾಹನ ಓಡಿಸುವಾಗ ತಪ್ಪದೇ ನೀವು ಹಾಕಿ ತಲೆ ಮೇಲೆ ಹೆಲ್ಮೇಟ್ 

ಇಲ್ಲಾಂದ್ರೆ ಆ ಯಮದೇವನಿಗೆ ಆಗ್ತೀರಾ ನೀವು ಅಲ್ಲ್ಲಿ ಮೇಲೆ ಹೊಸಾ hell-mate

ದಿನಾಂಕ : 04/03/2008

ಸ್ಪೂರ್ತಿ :   ಬೆಂಗಳೂರಿನಲ್ಲಿ ಹೆಲ್ಮೆಟ್ ಕಡ್ಡಾಯ ಮಾಡಿದ್ದು

ಹಿರಿಯರು ಅಂದು-ಇಂದು

ಅಂದು : ಕೋಟಿ ವಿದ್ಯೆಗಿಂತ ಮೇಟಿ ವಿದ್ಯೆಯೇ ಮೇಲು 

ಇಂದು : ಮೇಟಿ ವಿದ್ಯೆಗಿಂತ I.T ವಿದ್ಯೆಯೇ ಮೇಲು

ದಿನಾಂಕ : 31/3/2008

ಸ್ಪೂರ್ತಿ :  ಹಿರಿಯರು ಆಡಿದ ಮಾತು 

chicks ಅಂದ್ರೆ ಯಾರು?

 

ಹುಡ್ಗುರು ಹುಡ್ಗೀರಿಗೆ chicks ಯಾಕೆ ಅಂತಾರೆ ? 

ಯಾಕಂದ್ರೆ ಅವರು hen-ಮಕ್ಳು .. 

ನಿಮ್ಮ ತುಂಬಾ close friendನ ಮಗನನ್ನು ನೀವು ಏನಂತ ಪರಿಚಯಿಸ್ತಿರಾ? 

ಅವನು ನನ್ನ buddy ಮಗ ರೀ..

ದಿನಾಂಕ : 25/03/2008

ಸ್ಪೂರ್ತಿ :   ಕಂಪನಿಯ annual dayನಲ್ಲಿ ಮಧ್ಯೆ ನಿರೂಪಕ ಹಾರಿಸಿದ ಕಂಗ್ಲೀಶ  ಛಟಾಕಿಗಳು..

ಮೈ ತೂಕ : ನನದೊಂದು ಅಡ್ಡ-voice

ಆಗಾಗ ನೀವೂ ಮಾಡದಿದ್ರೆ ಎಕ್ಸ್ರಸೈಜ್ (exercise) 

ನಿಮ್ದೂ ಆಗುತ್ತೆ ಬೇಗನೆ ಎಕ್ಸೆಸ್ ಸೈಜ್ (excess-size)

ದಿನಾಂಕ : 24/03/2008
ಸ್ಪೂರ್ತಿ :  ನಾನು Exercise ಮಾಡಲು ಪ್ರಾರಂಭಿಸಿದ್ದು  

ಅಪಾ(ರ)ರ್ಥ

ಅದು ಯಾಕೋ ಗೊತ್ತಿಲ್ಲಾ...ನಾನು ಎಸ್ಟೇ ಪರಿಶುದ್ಧವಾದ ಮನಸಿನಿಂದಾ ಮಾತಾಡಿದರೂ ನನ್ನ ಸಹೋದ್ಯೋಗಿಗಳು ನನ್ನನ್ನು ತುಂಬಾ ಅಪಾರ್ಥ ಮಾಡ್ಕೋತಾರೆ. ಇತ್ತೀಚೆಗೆ ಏನಾಯಿತು ಅಂದರೆ ಹೊಸದಾಗಿ ನಮ್ಮ ಟೀಮ್ ಸೇರಿರುವ ಅವಿನಾಶ ಯಾವುದೋ ಚಿಕ್ಕ ಬಗ್ ಒಂದನ್ನ ತಗೊಂಡು ಇನ್ನೊಬ್ಬ ಸಹೋದ್ಯೋಗಿ ಕ್ರಿಶ್ಣ ಹತ್ತಿರ ಅದರ ವಿವರ ಕೇಳ್ತಾ ಇದ್ರು..ಕ್ರಿಶ್ಣ ಹೇಳಿದ್ರು ..ಅವಿನಾಶ್ ಅದು Look and Feel ಬಗ್ ರ್ರೀ.. ಜಾಸ್ತಿ ತಲೆ ಕೆಡ್ಸಕೋ ಬೇಡಿ..ಬೇರೇ ಬಗ್ ಇದ್ರೆ ನೋಡ್ರಿ...ಅವಿನಾಶ್ ಅನುಮಾನ ಇನ್ನೂ ಪರಿಹಾರ ಆಗಲಿಲ್ಲಾ...ಮತ್ತೇ ಅದೇ ಪ್ರಶ್ನೆ ಕೇಳಿದರು.. ಪಕ್ಕದಲ್ಲೇ ಇದ್ದ ನಾನು ಅವರಿಗೆ ಸರಳಭಾಷೆಯಲ್ಲಿ ಹೇಳಿದೆ...'ಅವಿನಾಶ್ ಅದು Look and Feel ಬಗ್ ಇದ್ರೆ ...Just Look and Feel'. ಅಶ್ಟಕ್ಕೆ ಎಲ್ರೂ ಅದೇನೋ ಅರ್ಥೈಸಿಕೊಂಡು ಬಿದ್ದು ಬಿದ್ಚು ನಕ್ಕುಬಿಡೋದಾ??....ಸಭ್ಯಸ್ತರಿಗೆ ಎಂತ ಕಾಲ ಬಂತಪ್ಪಾ..ಛೆ..ಛೆ!

೨೦೦೮|ಮಾರ್ಚ್

ಚೆಂಬೂರು

ಅಲ್ಲಿ ಮುಂಬೈ ನಗರದೊಳಗಿದೆ ಚಿಕ್ಕದೊಂದು ಚೆಂಬೂರು 

ಇಲ್ಲಿ ಬೆಂಗಳೂರೇ ಆಗಿದೆ ದೊಡ್ಡದೊಂದು ಚೆಂಬೂರು 

ಈ ಮಲ್ಟಿಪ್ಲೆಕ್ಸು..ಆ ಆನೋಕ್ಸು..ಹೋದಲ್ಲೆಲ್ಲಾ ಬರೀ ಚೆಂಬು.

ದಿನಾಂಕ : 18/02/2008

ಸ್ಪೂರ್ತಿ :  ಚೆಂಬು ಹಾಕಿಸಿಕೊಂಡದ್ದು 

ಬೆಂಗಳೂರು ದೂರದರ್ಶನ

ಬೆಂಗಳೂರು ದೂರದರ್ಶನ ಕಾರ್ಯಕ್ರಮ ಅಂದ್ರೇನೇ ಮಜಾ
ಸಂಜೆ ಐದು ಘಂಟೆ ಆದ್ರೆ ತಪ್ಪಿದ್ದಲ್ಲ್ಲಾ ಈ ಸಜಾ

ಮೂರು ತಾಸಿನ ಮನೋರಂಜನೆಗೆ ಕಾರ್ಯಕ್ರಮ ಪಟ್ಟಿ
ಅವುಗಳಲ್ಲಿರುವವು ಒಂದಕ್ಕಿಂತ ಒಂದು ಖೊಟ್ಟಿ

ಬೆಂಗಳೂರು ಜಿಲ್ಲೆ ಬಿಟ್ರೆ ಬೇರೇನೂ ನೋಡದು ಇವರ ಕ್ಯಾಮರಾ
ಮರೆತಿಹರು ಇವರು ನಮ್ಮ ಊರಿನ ಆಫೂಸಿನ ಮಾಮರಾ

ಆರು ಘಂಟೆಗೆ ಆರಂಭವಾಗುವದು ಬೆಂಗಳೂರು ದರ್ಶನ
ಅದರ ಹಿಂದೆಯೇ ಬರುವದು ಒಂದು ಗೊಡ್ಡು ಸಂದರ್ಶನ

ಏಳು ಘಂಟೆಗೆ ಇದೆ ಮಾರುದ್ದ ಹೆಸರಿನ ಧಾರಾವಾಹಿ
ಅದರಲ್ಲಿನ ಪಾತ್ರ ಕಥೆ ತಿಳಿದುಕೊಂಡವನೇ ಮಹಾ ಮೇಧಾವಿ

ಏಳು ಮೂವತ್ತಕ್ಕೆ ಬರುವವು ನೋಡು ವಾರ್ತೆಗಳು
ಬೆಂಗಳೂರ ಸುತ್ತಮುತ್ತಣ ಸಮಾರಂಭದ ತುಣುಕುಗಳು

ಇನ್ನೂ ಕಾರ್ಯಕ್ರಮ ನೋಡುತ ಕುಳಿತಿರಲು ನೀವು
ನಿಮಗೂ ತಪ್ಪದೇ ಬರುವದು ಹಾಳು ತಲೆ ನೋವು

ರಚನೆ : ೧೯೯೪
ಸ್ಪೂರ್ತಿ : ಅಂದಿನ ಬೆಂಗಳೂರು ದೂರದರ್ಶನ ಕಾರ್ಯಕ್ರಮಗಳು

ಮುದ್ದಣ ಮನೋರಮೆಯರ ಸಂಡೆ ಕಾರ್ ಕಾರ್ ಸಲ್ಲಾಪ

ಮುದ್ದಣ : ಪ್ರಿಯೆ ನಾ ತಗೋತಿನಿ ಒಂದು ಹೊಂಡಾ ಸಿಟಿ
ಮನೋರಮೆ : ಅದನ್ಹೇಗೆ ಒಡಿಸ್ತಿಯಾ ಪ್ರಿಯಕರಾ ಬೆಂಗಳೂರೇ ಆಗಿದೆ ಹೊಂಡಗಳ ಸಿಟಿ

ಮುದ್ದಣ : ಹಾಗಿದ್ರೆ ನಾ ತಗೋಳ್ಳಾ ಒಂದು ಟೋಯೋಟೊ ಕೊರೊಲ್ಲಾ
ಮನೋರಮೆ : ಹತ್ತು ಜನುಮದಾಗ ಹುಟ್ಟಿ ಬಂದ್ರೂ ಅದರ ಇ.ಏಂ.ಐ ತೀರಲ್ಲಾ

ಮುದ್ದಣ : ಹಂಗಾರಾ ನನಗ ಬರೋಬ್ಬರಿ ಆ ಮಾರುತಿ ಬ್ಯಾಲಿನೊ..
ಮನೋರಮೆ : ನಿನ್ನ ಹಂಗಾ ಬಿಟ್ರ ಅದರ ಸಾಲ ತೀರಸಕ್ಕ ಮಾರುತಿ ನನ್ನ ಬಂಗಾರದ ಬಳೀನೂ

ಮುದ್ದಣ : ಹೌದೌದು ನನಗ ಸೂಟ್ ಆಗೊದೊಂದ್ ಅದ ಆ ಫೋರ್ಡ್ 

ಮನೋರಮೆ : ನಿನ್ನ ಸದ್ಯದ ಅರ್ಥಿಕ ಪರಿಸ್ಥಿತಿಯೋಳಗ ನಿಂಗ ಮಾಡಾಕಾಗುದಿಲ್ಲಾ ಅದನ್ನ ಅಫೋರ್ಡ್ 

ಮುದ್ದಣ : ಹಂಗಾರಾ ನಾ ತಗೋತಿನಿ ಒಂದ್ ಮಾರುತಿ ಝೆನ್
ಮನೋರಮೆ : ಆ ಮಾಡೆಲ್ ಔಟ್ ಡೇಟ್ ಆದಾಗ ತಗೋಳುದು ಮಹಾ ಎನ್?

ಮುದ್ದಣ : ಹಂಗಾರ ನಾ ತಗೋತಿನಿ ಒಂದ್ ಹ್ಯುಂಡೈ ಸೋನಾಟಾ
ಮನೋರಮೆ : ತಿಂಗಳ ಖರ್ಚಿಗೆ ಸರಿಯಾಗಿ ನೀ ಕೊಟ್ರ ನಾ ತರ್ತಿನೀ ಅನ್ನಪೂರ್ಣಾ ಆಟಾ

ಮುದ್ದಣ : ಚಿನ್ನಾ.. ಹಾಗಾದರೆ ಹೇಗಿದೆ ಆ ಫೀಯಟ್ ಪಾಲಿಯೋ..
ಮನೋರಮೆ : ನನ್ನ ರನ್ನಾ ನೆನಪಿರಲಿ ನಿನ್ನ ಜೇಬು ಯಾವಾಗಲೂ ಖಾಲಿಯೋ

ಮುದ್ದಣ : ಹಂಗಿಸ ಬೇಡವೆ ರಾಣಿ.. ಒಂದಿನ ನಾ ಓಡ್ಸೊ ಕಾರ್ ಇರುತ್ತೆ ಓಪ್ಟ್ರಾ ಶೇವ್ರಲೇಟ್ ಮನೋರಮೆ : ಹಗಲು ಕನಸು..ಸದ್ಯಕ ಅಪೇಕ್ಶಾ ಅನುಶ್ರಿಗೆ ಕೊಡ್ಸಿದ್ರ ಸಾಕು ನೀ ಒಂದೊಂದು ಚಾಕಲೇಟ್..

 ಮುದ್ದಣ : ನೋಡ್ತಾ ಇರೆ ಒಂದಿನಾ ನಾ ತಗೋತಿನಿ ಆ ದೊಡ್ಡ ಮರ್ಸಿಡೆಸ್
 ಮನೋರಮೆ : ಮತ್ತೊಂದ್ ಹೊಸಾ ಸಾಲಾ ಮಾಡಿದ್ರೆ ನಾನಾಗ್ತಿನಿ ಮರ್ಸಿಲೆಸ್

 ಮುದ್ದಣ : ಫ್ಯಾಮಿಲಿ ಕರಕೊಂಡ ಒಡಾಡಕ ಚಲೋ ಅದ ಆ ಹೊಂಡಾ ಸಿಆರಡಿ
ಮನೋರಮೆ : ಆದ್ರ ನಮ್ಮ ಪಾರ್ಕಿಂಗ್ ಜಾಗಾ ಇರುದು ಬರಿ ಐದ ಅಡಿ..

ಮುದ್ದಣ : ಹೌದು ಆ ಪಾರ್ಕಿಂಗ ಜಾಗಕ್ಕ ಸರಿಯಾದ ಕಾರ್ ಫೀಯಟ್ ಪೆಟ್ರಾ
ಮನೋರಮೆ : ಮಹಾರಾಜ ಸಾಲಾ ತಗಸಾಕ ಇನ್ನು ಉಳಿದಿಲ್ಲಾ ಯಾವುದು ಕಾಗದ ಪತ್ರಾ

 ಮುದ್ದಣ : ಶಾಂತಿ: ಶಾಂತಿ: ..ಪ್ರಾಣಸಖಿ..ನಮಗೆ ಸರಿಹೊಂದುವ ಕಾರಾವುದು ನೀನೇ ಹೇಳು.. ಮನೋರಮೆ : ಸಾಲಾಪುರದಲ್ಲಿ ಜನಿಸಿದ ಪ್ರಾಣಸಖನೆ ನೀ ಈಗಾಗಲೆ ಮಾಡಿರುವೆ ಮೈತುಂಬಾ ಸಾಲಾ ಪೂರಾ ನಿನೊಬ್ಬ ಮಹಾ ಹೆವಿ ಸ್ಪೆಂಡರ್ ನಿನಿಗ ಸರಿಯಾಗಿದೆ ಲೀಟರ್ಗೆ ೬೦ ಕೊಡೊ ಹೀರೋ ಹೊಂಡಾ ಸ್ಪ್ಲೆಂಡರ್..

 (ಯಥಾ: ಪ್ರಕಾರ ಮುದ್ದಣ-ಮನೋರಮೆಯರು ತಮ್ಮ ಸ್ಪ್ಲೆಂಡರ್ ಮೇಲೆ ಹೊಗಿ ಫೋರ್ತ್ ಬ್ಲಾಕ್ನಲ್ಲಿ ಚಾ ಕುಡದು ಬನಶಂಕರಿಯಲ್ಲಿ ಕಾಯಿಪಲ್ಲೆ ಖರಿದಿಯೊಂದಿಗೆ ಮತ್ತೊಂದು ವೀಕೆಂಡ್ ದೃಷ್ಯ ಮುಗಿಯುತ್ತದೆ)

ದಿನಾಂಕ : 22/03/2006

ಸ್ಪೂರ್ತಿ :  ಮುದ್ದಣ ಮನೋರಮೆಯರ ಸಲ್ಲಾಪ

ಬೆಂಗಳೂರೆಂಬ ದ್ರೌಪದಿ

ಬೆಂಗಳೂರೆಂಬ ಈ ದ್ರೌಪದಿಯು ಐದು ವರ್ಷದಲಿ ಐದು ಪತಿಯರನ್ನು (ಸಿ.ಎಂಗಳನ್ನು) ಹೊಂದಿರಲು..
ವಿಪರೀತ ವಾಹನಗಳೆಂಬ ದುಶ್ಯಾಶನರು ದ್ರೌಪದಿಯ
ರಸ್ತೆಗಳೆಂಬ ಇಂಚಿಂಚು ಬಿಡದೆ ಅಪಹರಣ ಮಾಡಿರಲು..
ಈ ಧರ್ಮರಾಯ ಮೌನದಿ ತಲೆ ತಗ್ಗಿಸಿ ತನ್ನ ಅಧ:ಪತನವನ್ನು ತಾನೇ ನೋಡುತಿರುವನು..
ಪರ ರಾಜ್ಯ ಪಾಲನೆಯಲ್ಲಿ ತೊಡಗಿರುವ ಶ್ರೀ ಕ್ರಿಶ್ಣ ಪರಮ್ಮಾತ್ಮಾ ಬೇಗನೆ ಕಣ್ಣು ತೆರೆಯಪ್ಪಾ..
ಈ ದ್ರೌಪದಿಯ ಮೇಲಿ ಒಂದಿಂಚಾದರೂ ವಸ್ತ್ರವ ಕರುಣಿಸಪ್ಪಾ..

ಸ್ಪೂರ್ತಿ : ಧರಮ್-ದೇವೇಗೌಡ ಸರಕಾರ ಪತನ ಪ್ರಸಂಗ

ಡಿಸೆಂಬರ್|೨೦೦೫

ಮೈಕ್ರೋಸಾಫ್ಟ ಫಂಡಾ

ನಮ್ಮ ಮೈಕ್ರೋಸಾಫ್ಟ ಅಪ್ಪ್ಲಿಕೇಶನ್ಸ್ ಎಲ್ಲಾ ಬಗ್ ಪ್ರೀ 

ನಿಮಗೇನಾದ್ರೂ ಬಗ್ಸ್ ಸಿಕ್ರ ಗಾಬರಿಯಾಗ ಬ್ಯಾಡ್ರಿ .. 

ಅದಕ ನಾವು ಬೇರೆಯಾಗಿ ಮಾಡುದಿಲ್ಲಾ ಚಾರ್ಜ ರ್ರೀ.. 

ಅದಕ ನಾವು ಹೇಳುದು ನಮ್ಮದೆಲ್ಲಾ ಅಪ್ಪ್ಲಿಕೇಶನ್ಸ್ ಜೋಡಿ ಬಗ್ ಪ್ರೀ..! 

ದಿನಾಂಕ : 01/03/2006

ಸ್ಪೂರ್ತಿ :ಮೈಕ್ರೋಸಾಫ್ಟ ಅಪ್ಪ್ಲಿಕೇಶನ್ಸ್ ಜೋಡಿ ಬಂದ ಪ್ರೀ ಬಗ್ ಗಳು  

ನಾನು - ನನ್ನಾಕೆ

ನಾ ಡೆವಲಪರ್ ನಾ ಮಾಡಿದ ಕೋಡಿಗೆ
ನಾ ಟೆಸ್ಟರ್ ನನ್ನಾಕೆ ಮಾಡಿದಾ ಅಡಿಗೆಗೆ
- ಮಾರ್ಚ್|೨೦೦೬

ಎಮ್-ಜಿ ರೋಡು - ನಡು

ಎಮ್-ಜಿ ರೋಡಿನಲ್ಲಿ ಭಿಕ್ಶುಕರ ಮೈಮೇಲಿಲ್ಲಾ ಬಟ್ಟೆ 

ಕಾಂಚಾಣವಿರದಾ ಕಾರಣಾ ಅನುಭವಿಸುತಿಹರು ಕಡು-ಬಡತನ 

ಅಲ್ಲೇ ಶಾಪಿಂಗ್ ಮಾಡೋ ಲಲನೆಯರ ಮೈಮೇಲಿಲ್ಲಾ ಪೂರ್ತಿ ಬಟ್ಟೆ 

ಕಾಂಚಾಣವಿದ್ದರೂ ಅನುಭವಿಸುತಿದೆ ಅವರ ನಡು-ಬಡತನ 

ದಿನಾಂಕ : 01/03/2006

ಸ್ಪೂರ್ತಿ : ಎಂ.ಜಿ ರೋಡ್