ಸಮಾನತೆ

ಸಮಾನತೆ

ಮಹಿಳೆಯರ ಹೋರಾಟ ಅವರ ಹಕ್ಕಿಗಾಗಿ
ಪುರುಷರ ಹೋರಾಟ  ಅವರ ಹೊಸ ಹಕ್ಕಿಗಾಗಿ

ದಿನಾಂಕ: 8-ಮಾರ್ಚ್-2019
ಸ್ಪೂರ್ತಿ : ಸ್ತ್ರೀ-ಪುರುಷರ ಸಮಾನತೆಯ ಘೋಷಣೆಗಳು

ನಲ್ಲ

ನಲ್ಲ

ನಾನಂದೆ ನಾ ನಿನ್ನ ನಲ್ಲ
ಅಲ್ಲ ಅಲ್ಲ ನೀ ನನ್ನ ನಲ್ಲ
ನನ್ನ ಸಪ್ನಗಳ ಕೊಂದ ನೀ ಕ್ರಿಮಿ ನಲ್ಲ...

ಸ್ಪೂರ್ತಿ: ಹಾಗೆ ಸುಮ್ಮನೆ
ದಿನಾಂಕ:೧೪-ಫೆಬ್ರುವರಿ-೨೦೧೮

ಕೈ ಕೆಸರು

ಕೈ ಕೆಸರು

ಕೈ ಕೆಸರು
ಬಾಯಿ ಮೊಸರು

ನೆಲಕ್ಕೆ ಬಿದ್ದಿತು ಹಸ್ತ
ಜನ ಒಪ್ಪಿತು ಸಿಧ್ಧ ಹಸ್ತ

ರಾಗಾ ಕೈಯಿಗೆ ಕೆಸರು
ಅಮಿತ್ ಬಾಯಿಗೆ ಮೊಸರು
ಗುಜರಾತ್ ನಲ್ಲುಳಿತು ಮೋದಿ ಹೆಸರು

ಸ್ಪೂರ್ತಿ: ಗುಜರಾತ್ ಚುಣಾವಣೆ
ದಿನಾಂಕ: ೨೧-ಡಿಸೆಂಬರ್-೨೦೧೭

ಕಷ್ಟಮರ್ ಕೇರ್

ಕಷ್ಟಮರ್ ಕೇರ್

ಅಲ್ಲಿ ಕಷ್ಟಮರ್ ಹೇಳಿದ್ದೆಲ್ಲಾ ಖರೇ
ಇಲ್ಲಿ ನಮ್ಮ ಕಷ್ಟಕ್ಕೆ ಅನ್ನುವರಿಲ್ಲಾ ಕ್ಯಾರೇ

ಅಲ್ಲಿ ಜೀವನ ಒಗ್ಗಿದೆ
ಇಲ್ಲಿ ಜೀವನ ತಗ್ಗಿದೆ

ಅವರು ಕೊಡುವರು ನಮಗೆ ಸಮಯಕ್ಕೆ ಸರಿಯಾಗಿ  ಸೇವೆ
ಇವರು ಮಾಡುವರು ನಮ್ಮ ಸಮಯ ಸರಿಯಾಗಿ Shave ಎ

ಅವರು ಕಷ್ಟಮರ್ ಗೆ ಕೇರ್  ಎನ್ನುವರು
ಇವರು ಕಷ್ಟಮರ್ ಗೆ ಕೆರ ಎನ್ನುವರು

ಸ್ಪೂರ್ತಿ: ದೊಡ್ಡ ಮತ್ತು ಚಿಕ್ಕ ಊರುಗಳಲ್ಲಿನ ಕಷ್ಟಮರ್ ಕೇರ್ ನ ಅನುಭವ
ದಿನಾಂಕ: ೬-ಡಿಸೆಂಬರ್-೨೦೧೭

ರಾಮ ಕೋಟಿ

ರಾಮ ಕೋಟಿ

ಎಲ್ಲರು ಬರೆವರು ರಾಮ ಕೋಟಿ
ನಾ ಬರೆವೆ Rhyme ಕೋಟಿ
ಯಾರೊಂದಿಗೂ ಬೇಡವೆನಗೆ ಪೈಪೋಟಿ 
ನನಗೆ ನಾನಾದರೆ ಸಾಕು ಸಾಟಿ
ಭಗವಂತ ಕೊಡುವ ಮುನ್ನ ಎನಗೆ ಸೂಟಿ
ಪ್ರತಿದಿನ  ಹನಿಗವನ ಬರೆಯಲು ಮಾಡುವೆ ನಾ ಓಟಿ

ಸ್ಪೂರ್ತಿ : ರಾಮಕೋಟಿ
ದಿನಾಂಕ: ೯-ಡಿಸೆಂಬರ್-೨೦೧೭

ಜಪಾನಿ ಹೆಸರುಗಳು

ಜಪಾನಿ ಹೆಸರುಗಳು

ಫ್ಯೂಜಿಗಿಂತಲೂ ತೆಳ್ಳಗಿರುವಾವಾ ಫ್ಯೂಜಿ
ಸೂಜಿಗಿಂತ ಚೂಪ ಕಣ್ಣಿನಾಂವಾ ಸೂಜಿ

ಮಜಾಕಿಲೇ ಕೆಲಸ ಮಾಡಾಂವಾ  ಮಿಯಾಜಾಕಿ
ಕವನ ಬರೆದು ರಂಜಿಸಾಂವಾ ಕಾವಾಸಾಕಿ

ಸದಾ ಇನ್ನೊಬ್ಬರ ಜೋಡಿ ಬರಾಂವಾ ಇನಾಬಾ

ಸದಾ ಸಂತೋಷದಿಂದಿರಾಂವಾ ಸತೋಷಿ
ಹಿರೋಗಳ ಹಾಗೆ ಸ್ಮೈಲ್ ಕೊಡಾಂವಾ ಹಿರೋಷಿ

ಏಕಾಏಕಿ ಸೀರಿಯಸ್  ಆಗಾಂವಾ ತಕಾಯುಕಿ
ಸುಜನರ ನಡುವೆ ಸದಾ ಇರಾಂವಾ ಸುಜುಕಿ

ಬೆಳ ಬೆಳಿಗ್ಗೆ ಕಾಲ್ ಮಾಡಾಂವಾ ಏಬಿಸಾವಾ
ಗಸಗಸೆ ಪಾಯಸಾ ಇಷ್ಟ ಪಟ್ಟಾವಾ ಹಸೆಗಾವಾ

ದಿನಾಂಕ: ೨೭-ನವೆಂಬರ್-೨೦೧೭
ಸ್ಪೂರ್ತಿ: ಜಪಾನಿ ಸಹೊದ್ಯೋಗಿಗಳ ಹೆಸರು ನೆನಪಿಟ್ಟುಕೊಂಡ ಬಗೆ

ಲಂಚ ಲಂಚ ಲಂಚ

ಲಂಚ ಲಂಚ ಲಂಚ

ಟೇಬಲ್ ಮೇಲಿಂದ ತಿಂದ್ರೆ Lunch
ಟೇಬಲ್ ಕೆಳಗಿಂದ ತಿಂದ್ರೆ ಲಂಚ

ದಿನಾಂಕ : ೧೭-ನವೆಂಬರ್-೨೦೧೭
ಸ್ಪೂರ್ತಿ : ಸತೀಶ  ಆಚಾರ್ಯ ಅವರ ಕಾರ್ಟೂನ್‌