ಜಪಾನಿ ಹೆಸರುಗಳು
ಫ್ಯೂಜಿಗಿಂತಲೂ ತೆಳ್ಳಗಿರುವಾವಾ ಫ್ಯೂಜಿ
ಸೂಜಿಗಿಂತ ಚೂಪ ಕಣ್ಣಿನಾಂವಾ ಸೂಜಿ
ಮಜಾಕಿಲೇ ಕೆಲಸ ಮಾಡಾಂವಾ ಮಿಯಾಜಾಕಿ
ಕವನ ಬರೆದು ರಂಜಿಸಾಂವಾ ಕಾವಾಸಾಕಿ
ಸದಾ ಇನ್ನೊಬ್ಬರ ಜೋಡಿ ಬರಾಂವಾ ಇನಾಬಾ
ಸದಾ ಸಂತೋಷದಿಂದಿರಾಂವಾ ಸತೋಷಿ
ಹಿರೋಗಳ ಹಾಗೆ ಸ್ಮೈಲ್ ಕೊಡಾಂವಾ ಹಿರೋಷಿ
ಏಕಾಏಕಿ ಸೀರಿಯಸ್ ಆಗಾಂವಾ ತಕಾಯುಕಿ
ಸುಜನರ ನಡುವೆ ಸದಾ ಇರಾಂವಾ ಸುಜುಕಿ
ಬೆಳ ಬೆಳಿಗ್ಗೆ ಕಾಲ್ ಮಾಡಾಂವಾ ಏಬಿಸಾವಾ
ಗಸಗಸೆ ಪಾಯಸಾ ಇಷ್ಟ ಪಟ್ಟಾವಾ ಹಸೆಗಾವಾ
ದಿನಾಂಕ: ೨೭-ನವೆಂಬರ್-೨೦೧೭
ಸ್ಪೂರ್ತಿ: ಜಪಾನಿ ಸಹೊದ್ಯೋಗಿಗಳ ಹೆಸರು ನೆನಪಿಟ್ಟುಕೊಂಡ ಬಗೆ
ಲಂಚ ಲಂಚ ಲಂಚ
ಟೇಬಲ್ ಮೇಲಿಂದ ತಿಂದ್ರೆ Lunch
ಟೇಬಲ್ ಕೆಳಗಿಂದ ತಿಂದ್ರೆ ಲಂಚ
ದಿನಾಂಕ : ೧೭-ನವೆಂಬರ್-೨೦೧೭
ಸ್ಪೂರ್ತಿ : ಸತೀಶ ಆಚಾರ್ಯ ಅವರ ಕಾರ್ಟೂನ್‌
ಚಾ ರಜಾ
ನಾ ಚಾರಜಾಗಲು ದಿನಾ ಐದು ಕಪ್ ಚಾ ಕೋಟಾ ರಿ
ನನ್ನವಳೀಗ ನನಗೆ ಪೂರ್ತಿ ಚಾ-ರಜಾ ಕೊಟ್ಟಿರಲು
ನಾನಾಗಿರುವೆ ಕನಿಷ್ಠ ಚಾರ್ಜಿಲ್ಲದಾ ಬ್ಯಾಟರಿ
ದಿನಾಂಕ : ೧೭-ನವೆಂಬರ್-೨೦೧೭
ಸ್ಪೂರ್ತಿ : ನನ್ನ ಚಾ-ಕುಡುಕರತ್ನನ ಪರಪಂಚ
(K) UBER
ಯಾರೋ ಕೇಳಿದರು ಊಬರಕ್ಕೆಕೆ ಬಂತು ಬರ
ನಾನಂದೆ ಹೆಸರಲ್ಲೇ ತುಂಬಿದೆ ಬರ
ಅದಕೆ ಸೇರಿಸಿದ್ದರೆ K ಆಗುತಿದ್ದಾ ಕುಬೇರ
ರಚನೆ: ಬಸವರಾಜಜ ಯಾದವಾಡ
ಸ್ಪೂರ್ತಿ : UBER ಕ್ಯಾಬ್ ಗಳು
ದಿನಾಂಕ: 9-ಮೇ-2017
ಚಾಳಿ ಟೂ
ನನ್ನವಳು ಬಿಟ್ಟಿರುವಳು ನನ್ನೊಂದಿಗೆ ಚಾಳಿ ಟೂ
ಯಾಕಂದ್ರಾ ನಾ ಹಗಲೆಲ್ಲಾ ಕೇಳ್ತಿನಂತ ಚಾ ಬೈ ಟೂ
ಸ್ಪೂರ್ತಿ : ನೀರಡಿಕೆಗಿಂತ ಹೆಚ್ಚಾದ ನನ್ನ ಚಾಅಡಿಕೆ
ದಿನಾಂಕ: 30-ಎಪ್ರಿಲ್-2017
